பின்னையூர் நாடு: பின்னையூர்

Friday 24 February 2012

பின்னையூர்

இயற்கை எழில் கொஞ்சும் பின்னையூர் கிராமம், தஞ்சாவூர் மாவட்டம், ஒரத்தநாடு வட்டத்தில் உள்ளது. தஞ்சாவூரில் இருந்து தென்புறத்தில்
30 கிலோ மீட்டர் தொலைவிலும் ஒரத்தநாடுலிருந்து தென்மேற்கு திசையில் 6 கிலோ மீட்டர் தொலைவிலும் உள்ளது. சுமார் 6 கிலோ மீட்டர் நீளமும் 5 கிலோ மீட்டர் அகலமும் கொண்ட மிகப்பெரிய பசுமையான கிராமம். விவசாயம் முதல் தொழிலாக கொண்ட கிராமம். ஊருக்கு நடுவில் இழையும் ராஜாமடம் கால்வாயின் உதவியால் பின்னையூர் கிழக்கு மற்றும் பின்னையூர் மேற்கு என இரண்டு வருவாய் பிரிவுகளாக பிரிக்கப்பட்டுள்ளது. ஊருக்கு நடுவில் அரசு தொடக்க பள்ளி, மேனிலை பள்ளி,கூட்டுறவு வங்கி, அரசு நெல் கொள்முதல் நிலையம், கால்நடை மருத்துவமனை மற்றும் தொலைபேசி இணைப்பகம் ஆகியன அமைந்துள்ளன.அரசு மருத்துவமனையும், மின்சார கிளை அலுவலகமும், தனியார் பள்ளியும், அரசு சிறப்பு தொடக்க பள்ளி, அஞ்சல் நிலையம் போன்றவை ஊரின் மற்ற இடங்களில் அமைந்துள்ளது.
சிவன், பெருமாள், மாரியம்மன், அய்யனார், இடும்பன், பிடாரி, விநாயகர் மற்றும் முருகன் என அனைத்து கோவில்களும் ஒரே இடத்தில் அமைய பெற்று கோவில் தெரு என அழைக்கப்படுகிறது.
கீழக்கோட்டை, மேலதெரு, காலிங்கராயர் தெரு, சிறுசாளுவர் தெரு, தெற்கு தெரு, கோவில் தெரு, செங்குளம் தெரு, கணக்கன் தெரு என்று எங்கள் ஊர் தெரு வாரியாக பிரிக்கப்பட்டுள்ளது.
கள்ளர், வெள்ளாளர் (பிள்ளை) மற்றும் ஆதிதிராவிடர் இனத்தை சேர்ந்த மக்கள் இனவேறுபாடின்றி வசிக்கின்றோம் நான்கு நாடுகளில்
இளைய நாடாக பின்னையூர் நாடு விளங்குகின்றது, மற்ற நாடுகள் காசவள நாடு, கீழ்வேங்கை நாடு, கோனூர் நாடு. நன்கு நாடுகளின் சமரச சன்மார்க்க சங்கத்தின் சார்பாக ஒவ்வொரு தைபூசத்துக்கும் வடலூர் வள்ளலார் சன்னதியில் அன்னதானம் செய்யப்பட்டு, வழிப்பாடு செய்யபடுகிறது.
ஒரு மாத காலம் நடைபெறும் திருவிழா எங்கள் ஊரின் சிறப்பாக போற்றப்படுகிறது. இந்த திருவிழாவின் முக்கிய நிகழ்வாக 32 அடி உயரம் கொண்ட இரண்டு (அய்யனார், மாரியம்மன்) தேர்களை இளைஞர்கள் தங்களது தோள்களில் தூக்கி ஊரை வலம் வருவது, சுற்று வட்டாரத்தில் இன்றும் வியப்பாக பேசப்படும் ஒரு நிகழ்வு.
எங்கள் மண்ணின் மைந்தர்கள் அனைத்து துறைகளிலும் சிறப்பு பெற்று எங்கள் ஊருக்கு பெருமை தேடி தருகின்றனர்.

2 comments:

Anonymous27 February 2012 at 15:53
ஊரைப்பற்றிய உங்களின் உற்று நோக்களுக்கு வாழ்த்துக்கள்!!!
ReplyDelete
Replies
raja7 December 2014 at 00:50
வாழ்த்துக்கள்!!!
ReplyDelete
Replies

Add comment

சமர்ப்பனம்

தன் ஆசிரியப்பணிக்காலம் முழுவதும், எங்கள் ஊரின் தொடக்கப்பள்ளியில் ஆசிரியராக பணியாற்றி எங்களுக்கு எல்லாம் நல்லதொரு ஆசானாக, சில நேரங்களில் எங்கள் தந்தையாக, எப்போதும் எம் தாயாக, ஒரு சகோதரனாக, எங்கள் ஊரின் ஒவ்வொரு குடும்பத்திலும் ஒரு உறவாக, உறுப்பினராக இருந்து, எங்களுக்கு அகர முதல கற்று தந்து, அறிவு கண் திறந்து, எங்கள் ஊரின் ஆசானாக விளங்கும், எங்களின் பாசத்துக்குரிய "சின்ன வாத்தியார்" கர்த்தர்க்குள் நித்தையடைந்த திரு தேவராசன் அவர்களுக்கு, பின்னையூர் நாடு இந்த வலைபக்கத்தை சமர்ப்பனம் செய்கிறது

வலைதளத்தை பற்றி

பின்னையூர் எனும் இயற்கை எழில் கொஞ்சும் கிராமத்தை உங்களுக்கு அறிமுகப்படுத்தும் ஒரு நோக்கம். இது பின்னையூரை பற்றிய முழு தொகுப்பு அல்ல. இந்த வலைத்தளம் பின்னையூர் கிராமத்தின் அதிகாரப்பூர்வமான தளமல்ல.

எங்களுக்கு கிடைத்த தகவல்களை கொண்டு சிறப்பிக்க முயற்சிக்கிறோம். இந்த தகவல்கள் எமக்கு தெரிந்தவை மட்டுமே. இதில் தவறு இருந்தாலோ, புதிதாக விடுபட்ட தகவல்களை இணைக்க விரும்பினாலும் எங்களுக்கு தெரியபடுத்துங்கள்.

நீங்கள் சுட்டி காட்டினால் மட்டுமே எங்களால் மேலும் இந்த வலைதளத்தை மேம்படுத்த முடியும். உங்களின் ஆதரவு மட்டுமே இந்த வலைதளத்தை மேலும் மேம்படுத்தும்.

இந்த வலை தளத்தின் மூலம் எமது பின்னையூர் நாடு கிராமத்தை உலகறிய செய்வோம் என்ற எதிர்பார்ப்பில், அடுத்து வரும் தலைமுறை தனக்கு தேவையான உதவிகளை எளிதாய் பெற அந்த துறைகளில் ஏற்கனவே அனுபவம் உள்ளவர்களுடன் தொடர்பு கொள்ள ஒரு உறவு பாலம்.

உதவி என்ற தலைப்பின் கீழ் படிப்புக்கு சிரமப்படும் மாணவர்களின் தகவல்களை தரவுள்ளோம், யாரும் உதவி செய்ய ஒரு வாய்ப்பாக இது அமையும், வெளிநாட்டில் வசிக்கும் அனைவரும் கிராமத்தில் நடைபெறும் முக்கிய நிகழ்வுகளை உடனே தெரிந்து கொள்ள ஒரு தளமாக இருக்கும்.