பின்னையூர் நாடு: எங்கள் ஊரின் திருவிழா

Wednesday 22 February 2012

எங்கள் ஊரின் திருவிழா

எங்கள் ஊரின்  திருவிழா மிகவும் சிறப்பானதாக போற்றபடுகிறது. அதனை பற்றி  எமக்கு தெரிந்த சில தகவல்கள்.
இந்த திருவிழா ஒரு மாத காலம் நடைபெறும். முதல் வாரம் ஒவ்வொரு
கரையை* சேர்ந்தவர்களின் சார்பாக இன்னிசை நிகழ்ச்சி
நடைபெறும்.
இரண்டாவது வாரம் முளைப்பாரி** திருவிழா நடைபெறும்.   மூன்றாவது வாரம் ஆதிதிராவிடர்களின் சார்பாக திருவிழா நடைபெறும். இறுதி வாரம்
இந்த திருவிழாவின் உச்சமாக போற்றபடுவது, தேரை தோளில்
தூக்கியபடி ஊரை வலம் வருதல்.  இதில் திங்கள் கிழமையும்
புதன் கிழமையும்  சிறிய அளவிலான தேரை தூக்கியபடி இளைஞர்கள்
ஊரை   வலம் வருவர். (இது இளைஞர்களின் தோளுக்கும் கால்களுக்கும் ஒரு பயிற்சிக்காக இருக்கலாம்) இறுதி நாளான வெள்ளி கிழமை, 32 அடி
உயரமுள்ள இரண்டு தேர்களை (அய்யனார் மற்றும் மாரியம்மன்)
தூக்கியபடி இளைஞர்கள்  ஊரை வலம் வருவர். ஊரில் தேர் பாதை
என்று ஒரு வழி உள்ளது அந்த பாதையில் தான் தேர் பயணிக்கும். அந்த பாதையில் எவரும் மரம் போன்றவற்றை வளர்க்க மாற்றார்கள். அதேபோல
கரை   வாரியாக தான் தேர் செல்லும் இதனால் சற்று அதிகமாக சுற்ற வேண்டி இருந்தாலும் அப்படி தான் தேர் செல்லும். இதில் முக்கியமான நிகழ்வு, கோவிலில் தேர் தூக்கியதில் இருந்து ஊரை
சுற்றி மீண்டும்  கோவில் வரும் வரை தேர் இளைஞர்களின் தோளில் தான் இருக்கும். இந்த தேரை தூக்குவது தெரு வாரியாக பிரிக்கப்பட்டுள்ளது.
சுமாராக 5.5 மணி நேரம் தேரை தூக்கியபடி ஊரை வலம் வரவேண்டி
இருக்கும். வருத்தமான செய்தியாக இந்த திருவிழா கடந்த 14
வருடங்களாக நடைபெறவில்லை.

*கரை - கள்ளர் இனத்தின் உட்பிரிவுகளில் ஏழு பிரிவினர் எங்கள் ஊரில் வசிக்கின்றனர் இவர்கள் ஒவ்வொருவரும் ஒரு கரை என அழைக்கப்படுவர். இதில் முதல் கரையாக வெள்ளாளர்
இனத்தினர் மதிக்கப்படுகின்றனர். ஊருக்கு நாட்டாமையாக ஒருவரும், ஒவ்வொரு கரைக்கும் ஒரு நாட்டாமையும், பஞ்சாயத்துகளும் இருக்கின்றனர்.

**முளைப்பாரி    - நவதானியங்களை விதைத்து ஐந்தாவது நாளில்
பார்க்கும் பொது   இளம்பச்சை நிறத்தில் வளர்ந்து நிற்கும் அதனை  நடுவில்
வைத்து  பதினெட்டு பொறியல் செய்து  அதன் மேல் தேங்காய் பூ
துருவி  போட்டு ஒரு பெரிய கூடையில் வைத்து ஒவ்வொருவரும்  தெரு வாரியாக பிடாரி அம்மன் கோவிலுக்கு  தூக்கி செல்வர்கள் இது காண கண்கொள்ள கட்சியாக இருக்கும்.

No comments:

Post a Comment

சமர்ப்பனம்

தன் ஆசிரியப்பணிக்காலம் முழுவதும், எங்கள் ஊரின் தொடக்கப்பள்ளியில் ஆசிரியராக பணியாற்றி எங்களுக்கு எல்லாம் நல்லதொரு ஆசானாக, சில நேரங்களில் எங்கள் தந்தையாக, எப்போதும் எம் தாயாக, ஒரு சகோதரனாக, எங்கள் ஊரின் ஒவ்வொரு குடும்பத்திலும் ஒரு உறவாக, உறுப்பினராக இருந்து, எங்களுக்கு அகர முதல கற்று தந்து, அறிவு கண் திறந்து, எங்கள் ஊரின் ஆசானாக விளங்கும், எங்களின் பாசத்துக்குரிய "சின்ன வாத்தியார்" கர்த்தர்க்குள் நித்தையடைந்த திரு தேவராசன் அவர்களுக்கு, பின்னையூர் நாடு இந்த வலைபக்கத்தை சமர்ப்பனம் செய்கிறது

வலைதளத்தை பற்றி

பின்னையூர் எனும் இயற்கை எழில் கொஞ்சும் கிராமத்தை உங்களுக்கு அறிமுகப்படுத்தும் ஒரு நோக்கம். இது பின்னையூரை பற்றிய முழு தொகுப்பு அல்ல. இந்த வலைத்தளம் பின்னையூர் கிராமத்தின் அதிகாரப்பூர்வமான தளமல்ல.

எங்களுக்கு கிடைத்த தகவல்களை கொண்டு சிறப்பிக்க முயற்சிக்கிறோம். இந்த தகவல்கள் எமக்கு தெரிந்தவை மட்டுமே. இதில் தவறு இருந்தாலோ, புதிதாக விடுபட்ட தகவல்களை இணைக்க விரும்பினாலும் எங்களுக்கு தெரியபடுத்துங்கள்.

நீங்கள் சுட்டி காட்டினால் மட்டுமே எங்களால் மேலும் இந்த வலைதளத்தை மேம்படுத்த முடியும். உங்களின் ஆதரவு மட்டுமே இந்த வலைதளத்தை மேலும் மேம்படுத்தும்.

இந்த வலை தளத்தின் மூலம் எமது பின்னையூர் நாடு கிராமத்தை உலகறிய செய்வோம் என்ற எதிர்பார்ப்பில், அடுத்து வரும் தலைமுறை தனக்கு தேவையான உதவிகளை எளிதாய் பெற அந்த துறைகளில் ஏற்கனவே அனுபவம் உள்ளவர்களுடன் தொடர்பு கொள்ள ஒரு உறவு பாலம்.

உதவி என்ற தலைப்பின் கீழ் படிப்புக்கு சிரமப்படும் மாணவர்களின் தகவல்களை தரவுள்ளோம், யாரும் உதவி செய்ய ஒரு வாய்ப்பாக இது அமையும், வெளிநாட்டில் வசிக்கும் அனைவரும் கிராமத்தில் நடைபெறும் முக்கிய நிகழ்வுகளை உடனே தெரிந்து கொள்ள ஒரு தளமாக இருக்கும்.